Rom 15 | ZomZIV | STEP | A thahat eite in a thanemte’ hihzawhlohnate i thuakzawh ding hi-a, eimah le eimah i kilungkimsak ding hi lo hi.

Romans 15

1 A thahat eite in a thanemte’ hihzawhlohnate i thuakzawh ding hi-a, eimah le eimah i kilungkimsak ding hi lo hi. 2 Eite khempeuh in i vengte hoih nadingin amaute lungkimsaka, i khan suahtoh ding ahi hi. 3 Ahang in, “Note hong engkote engkona kei tung hong tu hi.” ^{▼▼15.3 Ph. 69:9} ci-a kigelh bangin Christ nangawn zong amah le amah a kilungkimsak kei hi. 4 Ahang in, eite in lametna i neih theih nadingin eite thuakzawhna le Laisiangtho hansuahnate tungtawnin a beisa huna kigelhte khempeuh eite hong hilh nadinga kigelh ahi hi. ^b

5 Thuakzawhna le tha hong pia Pasian in Christ Jesu na zuih bangun note lakah kipumkhatna kha hong pia ta hen. 6 Tua hileh lungsim khat le kam khat tawh i Topa Jesu Christ Pasian le Pa na minthangsak thei ding uh hi. ^c

7 Tua ahi ciangin Pasian na phat theih nadingun Christ in note hong san bang tektekin note khat le khat na kisang un. 8 Ahang in, pubulte tungah kamciamsate a kipsak dingin Pasian thutak hangin Christ, Jew-te ^{▼▼15.8 Greek ah zeksumna} nasempa hong suak hi, cih note kong hilh hi. 9 Gentile-te in Pasian lainatna hanga amah a minthansak theih nadingin hih bangin kigelh zo hi:

“Tua ahi manin Gentile-te lakah nang kong phat ding hi;
biakna late sa-in na min ka phat ding hi.,” ^{▼▼15.9 2Sa. 22:50; Ph. 18:49}

10 “Gentile-te aw, ama mite tawh kipakkhawm un,” ^{▼▼15.10 Tp. 32:43}

na ci kik a,

11 “No Gentile-te khempeuh aw, Topa phat unla,

no mite khempeuh aw, lasa in amah phat un,” ^{▼▼15.11 Ph. 117:1}
na ci leuleu in.

12 Isaiah in,

“Jesse Zungpi hong meng dinga,
minamte a uk dingin khat hong khang ding hi;
Gentile-te in ama sungah lametna a nei ding uh hi.” ^{▼▼15.12 Isa. 11:10} na ci kik leuleu hi.

13 Khasiangtho vangliatna hangin lametna tawh na kidimlet theih nadingun amah na muan bangun lametna Pasian in lungdamna le lemna tawh note hong dim ta hen. ⁱ

Gentile-te ading Pasian Nasem Paul

14 Ka sanggamte aw, note mahmah hoihna tawh kidimin, theihna kicing nei-in, khat le khat lam kilak dingin na cin uh cih kei mahmah in ka kipsan hi. 15 Note kiangah hangtakin thumal pawlkhat kong gelh zo hi; tua kong phawkkiksakna-in Pasian hong piak hehpihna hangin 16 Khasiangtho in Gentile-te a siangthosak Pasian santheih biakna a suah nadingun Gentile-te tungah siampi sepna tawh Pasian lungdamna-thu tangko dinga Christ Jesu nasem khat ka hi hi. ^j

17 Tua ahi manin Pasian na ka sepnate ah Christ Jesu sungah ka minthang hi. 18 Ka gensate, ka sepsate hanga Gentile-te, Pasian thu a mangsak ding Christ in kei tungtawn a, a sep khitsate longal bangmah kong gen ngam kei ding hi - 19 amah in Kha vangliatna tungtawnin lim le nalamdangte, vangliatna tawh a sem hi. Tua ahi ciangin Jerusalem a kipan Illyricum kimkot khempeuh ah Christ lungdamna-thu ka tangko khin dipdep hi. 20 Mi khatpeuh bulkip tunga lam ka suah loh nadingin Christ a kitheih nai lohna munte ah lungdamna-thu va hilh ding ka tup ngitnget ahi hi. 21 Hih bangin kigelh zaw hi:

“Ama thu a kihilh lote in mu ding uh a,
a za nai lo mite in a theitel ding uh hi,” ^{▼▼15.21 Isa. 52:15}

22 Tua hangin note kianga kong pai ding a kikhaktan zelzel hi.

Rome a Hawh ding Paul Geelna

23 Ahi hangin tu-in hih kual tengah ka sep nading mun om nawn lo ahina le note kong muh kal ka ngaklah zawh kum tampi pha ta ahi manin, 24 Spain a ka pai ciangin no kiang phak dingin ka geel hi. No kiang kong nawk ciangin kong hawh ding le no tawh tawlkhat sung i kikholh khit cianga ka zin nading lam ka manawh ciangin nong huh ding uh ka lamen hi. 25 Ahi zongin tu tadihin Jerusalem a misiangte nasem dingin tua khua lam ka manawh laitak ahi hi. 26 Ahang in, Maccedonia le Achaia mite in Jerusalem a misiangte laka mizawngte citpiak a piak ding uh a lungkim uh hi. Amaute in sep ding lungkim uh a, amau tunga a bat uh zong ahi hi. 27 Ahang in, Gentile-te in Jew-te khalam thuphate tanhpih uh ahileh amau leitung thuphate zong a tanhpih ding uh Jew-te tungah a ba uh hi. 28 Tua ahi ciangin hih nasep ka zawh khit ciang le amaute in hih gah ngah uh hi, cih ka tel khit ciangin Spain gamah ka pai dinga, tua kawmin no kiangah kong bang ding hi. 29 Note kiangah kong pai ciangin Christ thupha a dimtak tawh kong pai ding ka thei hi.

30 Sanggamte aw, kei ading Pasian kiangah nong thungetsakna uh tawh ka do, nong dopih dingun eite Topa Jesu Christ itna hang le Kha itna hangin note kong kun hi. 31 Judea gama om thu um lote khut sung pana ka suahtak theih nading le Jerusalem a ka sep nate tua lai-a om misiangte in hong san theih nadingun thu na ngetsak un. 32 Tua pen Pasian deihna hangin note kiangah lungdamna tawh hong pai-a note tawh thathak i ngah khawm theih nading ahi hi. 33 Lemna Pasian note khempeuh tawh om ta hen. Amen.